• Latest News

    April 12, 2016

    YANGA, AZAM FC WATAKA MECHI ZAO ZA KOMBE LA SHIRIKISHO ZISOGEZWE


    Dakika chache tu baada ya ratiba ya Kombe la Shirikisho kupangwa, Yanga na Azam FC zimetaka mechi zao za nusu fainali kusogezwa mbele.

    Azam FC inatakiwa iwe mgeni wa Mwadui FC Aprili 24 na Yanga iwe mgeni wa Coastal Aprili 24 pia. Lakini zinakabiliwa na michuano ya kimataifa.

    Azam FC itasafiri kwenda Tunisia kuwavaa Esperance katika mechi ya pili ya Kombe la Shirikisho na Yanga itakuwa Cairo kuwavaa Misri dhidi ya Al Ahly katika mechi ya Ligi ya Mabingwa Afrika.

    Mtendaji Mkuu wa Azam FC, Saad Kawemba amesema ni vema kama ratiba itasogezwa mbele kwa kuwa watakuwa wanatokea Tunisia ambako watasafiri kwa zaidi ya saa 8. 

    “Hatuwezi kurudi baada ya siku moja tucheze, itakuwa ni safari ndefu. Hivyo TFF waliangalie hilo,” alisema Kawemba.

    Naye Msemaji wa Yanga, Jerry Muro alisema anaungana na Azam FC katika hilo.

    “Waliangalie, wajue tuna majukumu ya kimataifa na waone urefu wa safari yetu,” alisema Muro.
    • Blogger Comments
    • Facebook Comments

    0 maoni:

    Post a Comment

    Item Reviewed: YANGA, AZAM FC WATAKA MECHI ZAO ZA KOMBE LA SHIRIKISHO ZISOGEZWE Rating: 5 Reviewed By: 2jiachie Online
    Scroll to Top