• Latest News

    May 07, 2016

    Zari, mtalaka wake siri nzito...Picha zao wakiogelea bwawa moja sauz zaibua maswali!

     Siri nzito! Ndivyo unavyoweza kusema kufuatia kuvuja kwa picha za mzazi mwenzake na staa wa Bongo Fleva, Nasibu Abdul ‘Diamond Platnumz’, Zarina Hassan ‘Zari The Bosslady’ na mtalaka wake, Ivan Ssemwanga wakiogelea kwenye bwawa moja nchini Afrika Kusini ‘Sauz’. 



    CHANZO CHAVUJISHA UBUYU
     Kwa mujibu wa chanzo makini kutoka Sauz, wawili hao wamekuwa wakiwasiliana mara kwa mara, kitu ambacho kimechagiza zaidi uwepo wa siri nzito ukiachilia mbali kuvuja kwa picha hizo mitandaoni. “Tulikuwa tunawafuatilia sana hususan kipindi hiki ambacho Diamond hayupo huku Sauz, Zari anaonekana kuwa na mawasiliano ya karibu na aliyekuwa mume wake, Ivan kitu ambacho kila mmoja anaamini huenda kuna kitu kinaendelea.” 

    AZUNGUMZIA PICHA 
    Chanzo hicho kilizidi kutiririka kuwa, picha tofauti zilizovuja hivi karibuni za wawili hao wakiogelea katika ‘swimming pool’ maarufu kwa jina la Soulstice Day Spa, zimezidi kudhihirisha kuwa, wawili hao wana jambo lao kwani hata kama hawajaweka picha ya pamoja lakini kila mtu kaweka picha yake akiwa katika bwawa hilohilo. “Kwa kweli lazima maswali yawepo. Je, waliambiana kuweka picha hizo kwa kupishana muda au kila mmoja aliweka bila kumuuliza mwenzake?” Inaonesha kabisa walikuwa pamoja au walikutana pale. Kama walikutana pale walitakiwa mmoja asiweke. “Lakini pia huenda walipeleka watoto japokuwa kwenye picha hawapo. Hawa wana siri nzito

    ambayo Diamond atakuwa haijui,” kilisema chanzo hicho na kuongeza: “Unajua bora haya matukio wakati yanatokea Diamond angekuwepo huku Sauz wala tusingetilia shaka lakini haiwezeni waonekane kwenye bwawa moja Sauz halafu Diamond yuko zake Bongo na naamini atakuwa hajui chochote kinachoendelea.”

     MAGARI NAYO YATAJWA 
    Kama hiyo haitoshi, chanzo hicho kilikwenda mbele zaidi kwa kudai kuwa, ukaribu wa Zari na Ivan si wa kutia shaka sana kwa sababu wamezaa. Watoto watatu si jambo dogo. Lakini kuna habari kwamba, hata magari tofauti ya kifahari
    waliyoyanunua wakiwa kwenye ndoa, wawili hao wameendelea kuyatumia pamoja ila kila mmoja kwa wakati wake. “Kuna wakati inasemekana Zari amekuwa akitumia magari ambayo anaonekana nayo Ivan kwa nyakati tofauti hivyo unaweza ukaona namna walivyo na ukaribu mkubwa,” kilisema chanzo hicho. 


    MWINGINE AELEZA TOFAUTI 
    Hata hivyo, chanzo kingine nchini humo kiliwatetea wawili hao kwa kusema ukaribu wa Zari na Ivan ni wa kawaida kwani hawawezi kuishi mbalimbali wakati wamezaa watoto watatu pamoja hivyo lazima wawahudumie pamoja.
     

    “Mimi ninavyojua, ukaribu wao ni wa kawaida maana mapenzi yalishaisha miaka mingi iliyopita na kwa sasa wanawahudumia watoto kwa pamoja, hawataki watoto wao wapate malezi ya upande mmoja,” kilisema chanzo kingine. 

    DIAMOND HUYU HAPA 
    Ili kuweza kujua mbivu na mbichi, paparazi wetu alimvutia waya Diamond ili kujua kama ana taarifa za mzazi mwenzake huyo kuogelea katika bwawa moja na aliyekuwa mume wake. Staa huyo alisema amegundua mchezo mchafu dhidi yake na kwamba kwa sasa hali hiyo haimsumbui. Risasi Jumamosi: Kwanza Diamond utuambie kama uko Dar au Sauz? Diamond: Nipo Dar, niambie! Risasi Jumamosi: Kuna taarifa zinazotiliwa shaka kuhusu shemeji yetu, Zari kwamba ameposti picha zikimwonesha akijiachia kwenye bwawa moja kule Sauz ambapo siku mbili baadaye, Ivan naye ameposti picha inayoonesha naye alikuwa kwenye bwawa hilohilo, unalizungumziaje hilo. Diamond: Unajua nimegundua kuna mchezo mchafu unafanywa ili kuniumiza. Nimeshajua lengo lao hivyo hainipi shida. Huyo mtu (Ivan) anahangaika na mimi ili nijibu nimpe umaarufu ndiyo maana kwa kipindi kirefu nilikuwa niko kimya. “Si huyo tu, kuna makundi f’lani hivi kwenye mitandao, wakiona vitu kama hivyo wananisakama ili mimi niseme au sijui niaibike, ninajua hiyo michezo hivyo haitanisumbua kamwe. Risasi Jumamosi: Vipi lakini mbona picha zinaonesha eneo alilokuwa Zari ndilo hilohilo alilokuwa Ivan? Diamond: Huo ni uhuni tu kaka, hamna ukweli katika hilo. 

    IVAN ADAIWA KUWA MCHOKOZI 
    Hata hivyo, baadhi ya watu wamekuwa wakisema kuwa, hali halisi inaonesha Ivan amekuwa mchokozi kwa mambo kama hayo ili Diamond alie wivu. “Kama Ivan aliogelea sambamba na Zari hakutakiwa kuziweka picha zile mtandaoni, ule ni uchokozi  tu,” kilisema chanzo kimoja. 

    CHANZO: RISASI JUMAMOSI
    • Blogger Comments
    • Facebook Comments

    0 maoni:

    Post a Comment

    Item Reviewed: Zari, mtalaka wake siri nzito...Picha zao wakiogelea bwawa moja sauz zaibua maswali! Rating: 5 Reviewed By: 2jiachie Online
    Scroll to Top