• Latest News

    September 26, 2016

    Omog: Kwa beki hii Tambwe, Ngoma watapita...

     HIVI karibuni Kocha Mkuu wa Simba, Mcameroon, Joseph Omog, alikuwa na kazi kubwa ya kuwafua mabeki wake hususan wale wa kati ili waweze kuwa fiti tayari kwa kukabiliana na washambuliaji wa Yanga, Mrundi, Amissi Tambwe na Mzimbabwe, Donald Ngoma. Washambuliaji hao walikuwa wakimkosesha usingizi kocha huyo kila alipokuwa akiifikiria kazi yao wanapokuwa uwanjani wakifosi kupata ushindi.

    Hali hiyo lilimfanya achukue jukumu la kuwafua vilivyo mabeki wake ili wawe tayari kukabiliana na washambuliaji hao Jumamosi hii, jambo ambalo amedai kuwa limefanikiwa kwa kiwango cha juu. 

    Akizungumza Omog alisema kuwa hana tena hofu yoyote kuhusiana na washambuliaji hao baada ya kuridhishwa na uwezo mkubwa wa mabeki wake ambao wamekuwa wakiuonyesha mazoezini tangu alipoanza kuwafua kwa ajili ya mchezo huo lakini pia mechi nyingine za ligi kuu. “Sina hofu yoyote tena juuya washambuliaji hao kwani hivi sasa nawaamini vilivyo mabeki wangu kutokana na uwezo wao mkubwa ambao wamekuwa wakiuonyesha mazoezini. 


    “Wameiva vilivyo na wapo vizuri na wapo tayari kukabiliana na washambuliaji hao kwa mpira wa aina yoyote ile, iwe kwa mipira ya juu au chini. Hakuna njia ya kupita kirahisi,” alisema Omog na kuongeza kuwa katika harakati zake hizo za kuwafua mabeki wake hao, amevutiwa zaidi na kiwango cha Mganda, Juuko Murshid, hivyo anaweza akamtumia katika mchezo huo unaosubiriwa kwa hamu kubwa na wapenzi na mashabiki wa soka hapa nchini. 

    Endapo Juuko atafanikiwa kuwa katika kikosi cha kwanza cha Simba siku hiyo, basi itakuwa ni mara yake ya pili tangu ligi hiyo ilipoanza kutimua vumbi msimu huu ambapo mara yake ya kwanza kuanza kuwa katika kikosi cha kwanza cha timu hiyo ilikuwa juzi Jumamosi dhidi ya Majimaji FC. Mabeki ambao mara kwa mara wamekuwa wakiongoza Simba msimu huu ni Mzimbabwe mwenye asili ya Tanzania, Method Mwanjale na Novaty Lufunga.
    • Blogger Comments
    • Facebook Comments

    0 maoni:

    Post a Comment

    Item Reviewed: Omog: Kwa beki hii Tambwe, Ngoma watapita... Rating: 5 Reviewed By: 2jiachie Online
    Scroll to Top