• Latest News

    October 01, 2016

    Ajibu: Iwe Bossou au Yondani, nampita yeyote

    STRAIKA wa Simba, Ibrahim Ajibu, amesema amejiandaa vizuri kucheza mechi ya leo dhidi ya Yanga na yupo tayari kupambana na beki yeyote iwe Vincent Bossou au Kelvin Yondani.
    Ajibu, mwenye mabao mawili katika Ligi Kuu Bara, ameenda mbali kwa kusema beki yeyote atakayepangwa kati ya Bossou au Yondani, atahakikisha anakuwa uchochoro na kuitengenezea Simba mabao.
     
    Akizungumza na Championi Jumamosi, Ajibu alisema lengo
    lao ni kuona wanafanikiwa kushinda kila mechi katika mzunguko huu, hivyo haoni sababu ya kupoteza mechi ya leo. “Timu yetu ipo vizuri na tunachohitaji ni kuona tunafunga katika kila mechi iliyo mbele yetu ikiwemo hii dhidi ya Yanga, tukipata pointi tatu kwa Yanga
    mambo yatakuwa mazuri.

    “Najua kwenye mechi ya Yanga kutakuwa na upinzani mkubwa, hivyo nimejipanga vilivyo kukabiliana na beki yeyote atakayepangwa kunizuia, namuomba Mungu nisiumie hadi
    mwisho wa mchezo. “Tunachokihitaji ni kuhakikisha tunafanikiwa kuibuka na pointi tatu katika mchezo huu halafu tuwafunge tena katika mzunguko wa pili wa ligi,” alisema Ajibu.
    • Blogger Comments
    • Facebook Comments

    0 maoni:

    Post a Comment

    Item Reviewed: Ajibu: Iwe Bossou au Yondani, nampita yeyote Rating: 5 Reviewed By: 2jiachie Online
    Scroll to Top